【DAY 4】 三朝溫泉旬彩の宿 いわゆ

離開梨紀念館，
準備去今晚住宿的三朝溫泉，
紀念館附近有巴士直達

上到巴士空無一人，
司機叔叔好似都相當懷疑我哋上錯車，
我哋話佢聽去三朝溫泉，
佢話正確，
之後又問我哋係住邊間旅館，
最後巴士喺一條橫街停低，
巴士叔叔同我哋講直行就會見到旅館，
好似變咗包車咁😁

到達三朝溫泉

橋下有個免費露天風呂，
因為有人浸緊不便留影 (當然係大叔啦)

今晚入住旬彩の宿 いわゆ，
經Agoda 預訂，
匯豐信用卡找數有85折優惠，
每人平均不過$700 

漏影房間布置，
略略形容一下，
大致都係一般溫泉旅館格局，
但係頗為殘舊，
我住果間房仲有冷氣漏水情況 (經反映後處理好)

歎完溫泉食晚餐。
旬彩の宿 いわゆ喺jalan 夕食評分甚高，
但我第一次經Agoda book 溫泉旅館，
而Agoda 係冇寫明食乜嘢的，
有口痕友話咁鬼平，
實係比最cheap 嘅嘢你食啦，
我都有呢個心理準備，
結果呢餐我相當滿意，
雖然冇鮑魚龍蝦呢啲貴價食材，
但烹調相當美味，讚😋

用餐完畢，
旅館姨姨同我哋講稍後時間有5分鐘煙花發放，
意想不到，
即刻返房拿腳架出發去橋等候煙花盛放，
上返房已鋪好被鋪

煙花好小型，
但一班著住浴衣旅客喺橋邊等煙花盛放，
蠻有氣氛

晏晝去旅館經過時，
已應承Bryan夜晚帶佢嚟玩

3日2夜女主持玩過果個彈波子機，
話愈玩愈多波子，
我哋著一聲玩完😫

Bryan話玩射槍過癮啲

Bryan眼界好過我😀

玩完返旅館，
我就休息一陣換套輕裝出發去影星

今夜個月亮咁鬼圓，
星量又不足，
好難影加上我經驗不足，失敗😩

【DAY 4完】