行山樂 - 港版千島湖 (大欖涌水塘)

行山團家族又號召大家行山，

今次目的地係港版千島湖。

我都中咗少少行山毒，

立即報名。

當日一個家庭爽約，

呢個家庭有個瘦弱小妹妹 - 即 Bryan 表妹，

行山團長見無需遷就細表妹，

問大家想唔想挑戰難度高少少嘅?

就係咁，

變成爬山..... (誤)

行到咁上下，

到第一個制高點

我鍾意咁嘅行山方式，

比較好玩，

冇咁寡，

當然要景色有番咁上下啦

原來香港都有咁美麗景色

大地在我腳下

呢個位影相幾適合，

行山人士都不約而同停喺度影番張相

繼續登高，

唔少登山前輩喺樹枝綁上絲帶，

為大家引路，

讚!

愈高景觀愈美

Bryan 因為鞋跣，

曾跌倒擦傷，

我話幫佢孭背囊，

佢堅持自己負責，

令我覺得佢好似不知不覺間長大了

嚟到呢個位，

接近我哋目的地 - 元朗大棠

之後搭巴士出市心食B仔，

爽呀~~

呢次由掃管笏村出發，

行咗好似4個鐘左右，

可能天氣冇之前咁酷熱，

間中有涼風吹送，

所以唔覺得辛苦，

第2日亦冇腳痠情況出現 XD

之前兩次行山 (浪茄 & 元荃古道)，

Bryan 都表示冇下次，

但呢次佢話好玩，

希望再有類似行山路徑比佢挑戰吓，

嗯，我都係咁話~~