頑遊名古屋‧岐阜‧三重12天自由行2015 DAY 10 名古屋港水族館【卷一】

今日第一個行程係去名古屋港水族館，

資料所得，

每日只有幾組(每組最多4人)可以摸海豚、合照體驗。

我一家之前已在白濱體驗過，

但都想團友們有相同體驗，

所以要提早買定門票，

咁就可以一開門即沖入去買飛。

於是，

我哋隔晚就喺酒店附近搵間比較少客人嘅7仔，

然後拜託員工幫我哋用售票機預訂門票。

員工好好人，

好順利就買到飛。

我哋提早半個鐘到，

準備排定隊，

開門就飛奔買飛，

見到沿途都唔少人準備入場

去到見到條人龍幾長吓，

目測應該超過一百人，

呢次弊啦

打定輸數，

入到場去到指定地方，

竟然唔係咁多人，

我準備定預先打好嘅日文比員工睇，

示意我哋要預定三組，

員工表示得番最後一組，

我即話 OK，

點知員工突然問我識唔識日文，

我話唔識，

佢話抱歉，

呢個體驗要識日文至得.....

冇計，

周圍行吓先~~

 

【待續】