大澳文物酒店 Tai O Heritage Hotel

早兩星期有朋友通知有導賞團參觀大澳文物酒店，

深感興趣，

即時約齊人遞申請...

詎料回覆已額滿。

立即又遞申請延遲一周去，

結果都係一樣，

打電話查詢，

負責人話即場去的話都有名額，

9點半開始接受登記，

把心一橫，

約齊人禮拜日搭屯門朝早8:20 船，

趕9點半登記入內參觀

結果順利登記

我哋預約下晝 1:30 參觀，

我哋先四圍行吓食吓嘢


媽咪又同 Bryan 講吓做人道理，

諗住偷影一張、點知比 Bryan 發現...


正經嚟多張先



因為一直落著細雨，影咗好少相...

不經不覺到咗參觀時間，

導遊話我哋知，

窗門果兩塊係鋼板嚟，見到子彈窿嘛?



酒店有9間客房，各有稱號，呢間叫海鷹



呢間客房的骰浴缸令我諗起北投溫泉



酒店保留咗壁爐，不過只係用嚟裝飾，用唔到



呢個係餐廳外廁所，統一格調，

個人覺得大澳文物酒店幾高雅別緻



最讚我覺得就係間餐廳



呢個天花好正，整體上以為間餐廳係出自日本







餐廳內有唔少類似擺設





導遊帶領行完一周，

我哋就坐低嘆番個 high tea


食完嘢準備走，經過見到一間客房之前冇入過去，

見冇人理就入去影吓相






呢個打斜行電梯都好有趣




三隻小嘩鬼央求佢哋姨丈帶佢哋睇白海豚，

聽船家語氣都知今日睇到白海豚機會不大(所以只係派兩個大人帶佢哋三個出發)，

結果當然係睇唔到啦

雖然今日天氣麻麻...

不過偶然咁樣行吓食吓嘢、成班嘻嘻哈哈過一日又幾盞

【完】