悠遊澳門【下】

一宿無話，

第二朝起身準備吔早餐....

望下間房，

當然冇威尼斯人咁大，

不過個人認為裝修陳設都比較靚.....

房間對住泳池 & 海景.... 正!!

一對熟路夫婦帶隊去榮暈咖啡美食食早餐

呢間出名係雞湯米

我就嗌咗牛肋骨早，都好味~

食完早餐..... 一班人就搵其中一位成員想試椰子雪糕，

問吓當地人，

好快就搵到

成班人大揀雪糕，有椰子、芒果、香芋三種選擇

我試咗椰子同芒果兩款，

感覺椰子款味道稍淡，芒果款口感似雪葩，味道更好。

我哋順路去福隆新街買手信

買完手信返酒店 check out 兼寄存行李，

影番兩張相先~

意猶未盡，落泳池影多幾張

二龍喉公園，兩個小成員指定話要去...

原來要探呢隻肥黑熊

好快就閃，

趕住去下一個節目，新濠天地童夢天地

呢度貌似大過 Q立方，仲有機打

XBox  體感遊戲

又可以換裝影相.... 可惜款式勁少

Q 立方都有類似呢個幾乎垂直 SIR 滑梯，

不過規定7歲以上至准玩....

呢度冇呢個規定，

原先幾個小朋友都想試試，

不過一埋位就個個都縮，

到臨閃人時，大膽姨甥女率先挑戰成功

Bryan 又點呢??

...... 到最後都係縮沙 XD

(返到香港佢話下次一定可以挑戰成功喎)

夠膽玩可以影到威水相

玩到盡(2 hrs) 至肯走..... 返返去澳門市果邊搵嘢食

又係福隆新街

首先去咗阿蘇推介祥家麵家，

個人覺得單以麵計好過六記、不過雲吞就不及六記出色....

我就始終覺得大埔平記勝佢哋一籌

食完麵即去食翅 -- 添發碗仔翅美食

呢度堂食一定要每人最少叫一碗，

我哋有咁多細路唯有叫外賣..... 坐喺街邊食

那些年..... 一起等翅吃...

普通碗仔翅 $25、豪華碗仔翅 $40、花膠豪華碗仔翅 $85

我一家嗌咗個豪華碗仔翅 + 花膠豪華碗仔翅

來啦來啦

尚算抵食，不過下次嚟淨叫豪華碗仔翅 OK 了

食完翅班友仔仲未肯收手，

再去食埋串燒

我哋嗌咗牛柳串，有牛筋肉粒好難o趙....要花少少牙力

淨肉粒就相當惹味....... 可唔可以走筋呀

歡樂時光過得特別快....

又夠鐘要返酒店攞行李咯....

匆匆去新濠天地MJ 館睇睇，

當我影完呢幅相時候，

有團友大嗌﹕最後一班返碼頭車就開啦....閃...

SO.... 只係影得一幅

呢次好好玩 (班細路話....) 希望暑假可以再嚟過

【完】