頑遊京阪神9天 DAY 8 ~ 祗園祭 - 宵山

今日行程最後一站就係參觀 祗園祭資料搜集所得，
祗園祭係日本三大祭之一，
最熱鬧係 16/7 【宵山】同 17/7 【山鉾巡行】
難得適逢其會，
一定要拜會宵山啦~
話說旅行之前，
見到有 blogger post 過 D 相，
宵山期間男男女女都著晒浴衣，
撈吓金魚食吓路邊攤檔，
夠風味又好玩....
亦大安旨意認定搭私鐵喺祗園站下車即可...
去到大阪見到宣傳海報至知道係喺阪急烏丸站下車如是者，
我哋離開 Kids Plaza Osaka 就直去烏丸站，
一落車就知大事不妙，
到處人頭湧湧...
我哋幾經艱苦擠出車站，
見到大街已經封鎖禁止車行，就好似聖誕彌敦道...
我哋幫趁咗一個路邊攤檔買水果食，
就見到佢哋 -- 吸引我去影當然係果對狗仔啦


大街大巷，同我心目中形象有分別...

我見有唔少日本人都手執地圖而行，
我哋冇又唔識路只好跟人潮行

大街大巷還頂得住 D 人流，
當我哋跟住 D 人行入橫巷，
結果動彈不得，困咗十幾分鐘一步都冇郁過...
同唔少人一樣，我哋放棄了


唔知係咪要去到八神社至係我心目中光景...
可惜.... 最後都冇辦法證實
希望有機會再嚟參觀啦...
帶住惆悵心情去搵嘢食，
由於張飛係任搭，
就去咗熱鬧 D 梅田落車搵嘢食...
行行吓去咗老地方 -- 新梅田食道街...
點解話係老地方呢?
因為以往嚟大阪都係住呢條食街對面間酒店
我哋沿住食街揀吓有乜啱食，
Bryan 見到張印住鰻魚飯海報就話我要食、我要食...
抬頭一望原來係吉野家

吓，行程第一站見到佢都執意唔食，
唔通反高潮最後都要試吓佢

結果.....



冇所謂啦，日本 D 牛肉丼係好食 D....尤其加上生雞蛋...
反正以前去日本旅行為慳錢多數都係吉野家同松屋搞掂  

【DAY 8 完】