有個哥哥 & 姐姐嘰嘰咕咕大講日文之後拎咗耳機派發比大家。
我至知道原來係一個類似導賞團....
噢，即係冇得偷影...
我將部 DV 交比媽咪，
媽咪話我負責影相梗係我帶 Bryan 去睇....
佢可以喺附近睇吓商品之類，
如是者，變咗我帶 Bryan 去導賞團...
我婉拒接收耳機帶係不忘同 Bryan 戴上
Bryan 好似識聽日文咁同大家一齊聽哥哥講解
呢度係餵猩猩地方，
由於要用力擲蕉至掟到去猩猩所在地，
所以 Bryan 得個睇字....
呢度猩猩唔知係好懶定已經食飽，
要擲到佢伸手可及地方至會執蕉食，
我擲得奇準，兩嘢佢都有食
拋魚，掂，餵到
其實 Bryan 眼界好差，
不過塘鵝可以擘到個口好鬼大，咁至兜到食
同整雪糕時一樣，呢個姐姐知我哋係遊客，特別照顧 Bryan
日本哥哥示範餵鴕鳥
輪到 Bryan 餵...
註：Bryan 面上果滴係熱汗唔係冷汗
Bryan 話佢啄得好大力，一不留神就比佢震飛咗隻杯
再註：Bryan 面上果滴係熱汗唔係冷汗
壓軸係餵河馬.... 過癮呀
Bryan 餵河馬令全場轟笑
【待續】
沒有留言:
張貼留言