約咗屋企人去長洲，
阿嫂話恐防人多，早 D 去穩陣 D，
於是約咗十點鐘港外線碼頭等，
對住粉嶺我嚟講真係好大考驗，
最後好彩有大佬車接載可以瞓晏少少啫
去到港外線碼頭果然見到人頭湧湧，
一到埗應 Bryan 要求，先到沙灘玩泥沙
由於媽咪已經為 Bryan 帶備玩泥沙一set 道具，
Bryan 去到沙灘即刻埋頭苦幹玩泥沙
我哋大人就搵咗個樹蔭底吹水呆等...
Bryan 家姐表哥們本來已經過咗玩泥沙年紀，
不過見 Bryan 玩得咁過癮，
就即買沙灘褲 + 沙灘拖同 Bryan 玩埋一份...
姑姐&家姐合作杰作
玩完泥沙又到我哋長洲飯堂 -- 英皇茶餐廳嘆凍橙檸、雞翼、楊州炒飯...
之後下半場節目 -- 踩單車。
但係過程殊不簡單，因為真係多人到....
家庭車已經一掃而空，兩輪&小童單車都所餘無幾，
真係見一部立一部，
單車鋪老闆直頭叫我哋五點後至嚟搵車，
我哋就決定守株待兔，
好彩等咗唔使半粒鐘就搵齊車
踩到咁上下大家諗住食少少嘢，
只見幾乎所有少食店都大排長龍好似唔使錢咁，
我哋就去返以前曾經光顧過糖水店準備咬嘢，
我哋一行十一人都即刻搵到位，
原來係因為店內糖水大多沽清
比 D 人潮嚇怕咗，
我哋六點鬆 D 就喺長洲求其搵間嘢食埋餐海鮮就閃人
是日活動太勞累，
原本我約咗朋友翌日同 D 小朋友去東壩影相都要放飛機
【完】
沒有留言:
張貼留言