先整咗個指定席申請表方便職員劃位
出發前已決定買張留念，只係驚限量賣晒
劃晒飛，亦買到呢張IC卡，
拍埋小飛俠度，同樣靚仔😁
買完飛仲有個任務，
叫老虎同佢幾個姐妹去3COIN行陣，我話有啲嘢要去睇睇....
就喺博多駅入面嘅チョコレートショップ 博多の石畳
事緣出發前諗住訂個生日蛋糕仔比個小小驚喜老虎，
search到呢間tabelog高分店，
我 e-mail問佢哋國外人可唔可以訂製蛋糕，
我可以信用卡付款，
亦可以去總店提取蛋糕 (蛋糕應該係總店製的)
結果翌日收到回覆，第一句係sorry, 我哋不接受credit card....
跟住話接受cash，亦可以去博多駅提取😄
傾好晒蛋糕大小口味各樣嘢，就講好呢一日2:30左右取貨
點知同職員講咗個名，同話要拎蛋糕，
職員們都一頭霧水，又要拎個手機出嚟翻譯，
搞咗一大輪等佢搞明個狀況再致電總店，
比番個翻譯我睇: 抱歉，蛋糕要1個鐘後至有得攞😐
唯有攞房先😩
去拎民宿嘅password，竟然係去間酒店做check in
民宿同check in地方距離不遠，
位置大概係東橫INN博多南附近。
開門第一眼，發覺同網上照片差不多。
如果大家有興趣，
喺AIRBNB Apps對比下面圖片應該不難搵到
我哋原先搵酒店，
但搵幾咗幾間都搵唔到有3間房可以連住4日，
喺AIRBNB 搵咗呢間民宿，望落好似唔錯，
而且同幢有好多間屋，
我哋要book 3間就啱晒，
後來姨甥仔同佢女友又話要join，都仲搵到多間屋。
住4晚$2000 (第一晚係星期六貴少少)，人均$1000幾抵玩。
唯一投訴距離車站真係遠咗少少，要行15分鐘
擺好行李立即出發，不過我就慘啲，
要去車站拎蛋糕返民宿再出番去博多城搵團友😢
因為安排失誤，蛋糕店送咗包賠禮
出發搵番團友先
沒有留言:
張貼留言