第一次食Super hotel 嘅早餐，印象良好，尤其鍾意個粟米湯....
點知隨後八戶同弘前完全唔同質素，仲要冇埋個粟米湯😢
原本今日行程係先去御釜，不過睇咗御釜即時映像，
天氣唔太理想，鏡頭灰矇矇兼有水珠，
於是將行程調一調，
先去福島まるせい果樹園摘水蜜桃
去到剛好係開門時間9點正，成為第一組客人
除咗選擇800YEN 30分鐘放題，亦可以一箱箱買走
我哋梗係揀有得玩有得食嘅放題，比完錢就跟個姨姨去果園
姨姨表示昨天傾盆大雨，話我哋好彩
仲要坐車，其實好短路程，返嚟係要自己徒步返
到達水蜜桃園，
姨姨大致講講啲規矩就離去，留低我哋自己慢慢玩
之前去過岡山桃茂實苑摘水蜜桃，成班人圍住棵樹仔摘，
呢度係成個果園比你玩
即摘即食
呢度水蜜桃比較爽口，甜度略嫌不足
反而佢預備定擺喺度嘅比我即摘嘅好食😜
食完再摘
因為又要影相又要摘又要食，30分鐘時間真係唔夠，
但係800YEN我覺得抵到爆
食完行番去，途經見到果園種有其他生果，
不過都未到採摘時候
呢度仲有間甜品店森のガーデン好出名，
其實我都試下佢哋水蜜桃聖代，
但係之後我哋行程就係食飯所以放過佢😁
沒有留言:
張貼留言