今次搶青森同秋田東橫INN房真係驚心動魄，
影張相留個紀念
下次到青森再嚟會你
要搭07:43新青森開去盛岡嘅新幹線，今朝又早早出門，
其實按原先計劃，我自己一個會再搭一班列車到盛岡，
去祭典會場霸位，
點知出發前收到通知，今年盛岡三颯舞佔位有新規矩，
就係中午12時同下午3時，會有工作人員巡視，
如佔位位置無人看守，就清場，
咁呢兩個時間點我都唔會喺現場，所以慳番
搭去新青森
到達盛岡
澎澎聲去東橫INN check in放低行李
跟住返車站搭車去花卷，
我哋打醒十二分精神，免得上錯車，
搭錯就返唔到轉頭
到達花卷
今日專誠嚟坐SL銀河號
呢度插番少少提外話，
今次所有新幹線座位我都係提前一個月網上預約，
我係用日版，
(日版好處，註冊同預約教學，Google一search就有，在此不贅)
我係一個月前逐日預約，好多人都話反正通常唔full，
去到先劃位都可以，
我考慮係反正都唔會更改行程，早啲預約安心啲，
更重要係，我要最後排座位，方便我安放行李，
雖然應該冇規定行李位係屬於最後排乘客，
不過每程車都留空位置比我哋
提外話2:
恨坐蒸汽火車好耐，所以好緊張呢個行程，
做好晒預約功課諗住7月3日同人鬥快搶，
好衰唔衰，比我睇到一個台灣blogger嘅油雞，
佢介紹一個叫做事前受付嘅玩法，
簡單嚟講係電腦同你排隊劃位，
登記嘅時間係比普通預約再早一個禮拜，
登記時間係日本時間早上5點(普通預約係日本時間早上10點)，
台灣blogger志在必得，電腦同人手預約佢都做，
結果兩樣都成功，
代價係要取消其中一項交易 (每人手續費3xx yen)
佢係台灣時間9:04分收到電郵通知事前受付成功，
因為我測試過早兩星期嘅SL銀河號預約，
係當日下晝都仲有位嘅，
有驚7月3日返工有工作緊急要處理唔可以做網上預約，
所以就再早1個星期4點爬起身做事前受付，
結果3號當日，9:05分收到電郵通知預約失敗...
好DOWN，隔日去FB 東北群組見到有ching都係預約唔到，
但就成功執漏，
於是我又學佢不停上網狂刷，
結果一星期後補足5張車飛✌
講番正題。
去到月台見到有「鹿舞」歡迎大家
SL銀河號到站了，個個丟低班舞人，沖去月台影相
上車望望先
銀河鐵道係宮澤賢治創造出嚟，所以有唔少關於佢嘅嘢，
例如書籍
派有乘車記念証
然後可以喺呢度蓋印章
如果由起點坐到終點釜石，要4個幾鐘，
所以好多人坐到遠野或宮守就折返，
我就坐到宮守
因為我要影SL銀河號過眼鏡橋，
銀河號會喺宮守站停留十幾分鐘，
如果冇行錯路係有足夠時間行去影相地點嘅，
一出車站望去對面，
中間有條路仔
沿樓梯落去
落到去見到對面係呢間嘢
望左面見到眼鏡橋，跟住行就OK
已經見到發燒友棟晒腳架喺度等，
呢排播緊嘅日劇偽裝不倫，男主角就係喺呢度影相，
按電視劇講，原本佢同女主角杏係坐早我一星期嘅列車😆
涉水都有，相當有Heart，
睇人油雞講，
如果你遲嚟又遮擋到大叔們鏡頭，會比佢哋鬧到飛天
搞咁多嘢，就係為咗呢張相
要坐番普通列車去新花卷搭新幹線，
由於班次疏落，
有個幾鐘時間，
食個午餐啱啱好。
附近有個超市
入面都係銀河鐵道擺設
有間餐廳
飲品自助售賣機搞掂，試咗呢個，唔多掂
非常一般
食飽飽後準備返盛岡
最後送上眼鏡橋下戀人之聖地
