行山樂 - 西灣亭>西灣>鹹田灣>赤徑>北潭凹

呢個復活節假，
我哋編咗一日去行山。
今次目的地係大浪西灣，
我哋先去西貢搭的士，
見到成個西貢嘅巴士站小巴站，
連同的士站都佈滿人，
卒之等成一個鐘至上到的士。
我哋搭的士到西灣亭，車資一百左右，
可以起行啦~

我哋途經西灣、鹹田灣幾個沙灘，
都有唔少人游水喎，
呢次我哋冇乜點休息，
可能因為行山團長事先話3個鐘完成，
嚟到發覺唔可能所以趕行程唔休息 XD

行到呢到，
見到呢條橋好過癮，
條橋頗窄，
我哋準備過橋嘅，
都等對面過嚟嘅遊人行先依次行過去...
最後前面有人似乎因為太驚所以行得好慢，
我估冇人阻住直行直過其實幾輕鬆的，
但塞住冇得郁時真係有條橋飄吓飄吓嘅錯覺，
有個別女團友都猛話好驚，
又自稱有耳水不平衡驚跌落水....
呢個時候對面幾個洋人明顯唔耐煩，
就照行過嚟，
喺咁窄橋面比對面人越過更加覺得驚險，
當然最後大家都安然渡橋啦，
我哋講番某幾個女團友嘅表現，笑到肚都痛 XD

呢兩個豆釘話比團長老點，又話3個鐘搞掂...
講話以後都唔會行呢度 XD

終於到赤徑，接近終點

比細路去片吓石仔

結果唔多休息下要4個幾鐘至完成，
最後去西貢嘅泰寶龍食泰菜，
又幾唔錯喎~~

【完】