今次行山期待已久，
不過要等班細路考完試至可以成事。
當日去到東涌嚇咗一跳，
由搭去昂坪嘅纜車處同整個巴士站都堆滿人，
我哋要出發去伯公坳嘅巴士都自然唔少人排隊，
好彩加開唔少巴士，
唔算等太耐就排到。
由伯公坳開始起行，
初段上坡踏好多石級，
都幾索氣，
上去到平地慢慢行，
加上陣陣涼風，
疲倦一掃而空
呢啲荒廢屋仔 (好似叫爛頭營?) 比想像中多
終於見到遍山芒草嘅情景，
爽呀~~
飽覽完跟住落山，
我原以為好輕鬆，
點知原來係一直落石級冇得抖
(皆因路窄人多好難停低)，
直行到黃龍坑郊野公園，
據講有幾條路落山，
姨仔一家之前另一段路程比較長但有平地休息
行到腳軟加腳震，
行到返東涌足足行咗五個鐘有多，
老婆都話下次可唔可以唔好揀咁長路程 XD
沒有留言:
張貼留言