行到咁上下，
要上白川鄉展望台啦，
可以徒步，
又可以搭巴士
搭巴士好快就到目的地，
大熱天時，
呢200YEN 真係唔慳得。
到達目的地，
唔使講嘢，
即刻憑欄俯瞰合掌屋
圍欄中央處劃咗一個區，
放有紀念牌，
係比專業影師同遊客影相留念嘅。
兩個影師用半咸淡廣東話大嗌
"麵痱同狸影、好令、唔買唔診耀!"
我就梗係行埋一邊影啦
等我同大家都影完，
有個香港嘅靚女走埋嚟，
自動請纓幫我哋影大合照，
好有獅子山下嘅精神呀~
女仔幫手影完，
個日籍影師走埋嚟，
話免費幫我哋影，話"好令"
影完當然再用佢部機同我哋影啦，
最後我哋亦有買....
不過之後呻笨，
反正都買，點解唔企喺中央個台影呢.....
落返山，
距離返高山嘅巴士仲有個零鐘時間，
仲可以繼續行吓影吓相
呢個草坡啲草好靚，
見到日籍小童不停滑草，
就叫 Bryan 試試，
起初 Bryan 有啲怯，
最後欲罷不能 XD
小學作句: 懷住依依不捨心情離開白川鄉
真心希望冬天有機會再訪。
準備搭巴士去高山。
呢程巴士都係網上預約的，
但係係嚟到呢度至換票，
名古屋名鐵巴士冇得換o架。
【待續】
沒有留言:
張貼留言