【DAY 10】海の中道海浜公園 (下篇)

終於踩到去夏日特設嘅水上樂園，

其實都少少猶豫，

因為約咗購物團團友到水族館等，

淨番玩水嘅時間唔係多 -- 入場要比錢。

最後比班細路自己決定，

想當然，佢哋梗係話要去玩啦...

去到發覺個場真係好大，

我哋先去一個水道玩，

果度有逆時針水流，

唔需點游都會隨水流漂走，

幾過癮。

時間關係，

旋轉滑梯之類多人排隊嘅就冇玩，

不過好玩嘅嘢都幾多o架...

睇番上圖就知，

但係兜頭淋可能向東，亦可能向西。

一連三次都倒落反方向，

呢班人大聲喝倒采 XD

最後...

玩玩吓，

突然出廣播，

我哋當然唔知佢講乜，

只見一班日本人俟次上水，

我哋照跟，

但係有啲納悶，

明明未到結束時間....搞乜鬼?

等咗幾個字，

見人落番水，

我哋又有得玩水lu 

時間差唔多，

要同其他團友會合啦。

我哋踩單車準備還車，

點知蕩失路 (乘機賴地方太大XD)

但係我哋都算因此踩到一處有好靚風景嘅地方(可惜趕時間冇拎相機影相)，

最後求助附近準備駕車離去、疑似工作人員，

我哋終於脫離美景，哈哈。

* 返港無耐，

剛巧喺 Facebook 見到篇文章講日本泳池規則，

其中講到基於安全，

避免有人逞強致耐力不繼生危險，

所以每45分鐘 (好似) 就要上水休息十數分鐘，

如果香港有咁大咁好玩又顧安全嘅泳池就好啦

【待續】