小蜜蜂表演@K3畢業禮暨頒獎禮

中午接 Bryan 去小學（畢業禮場地）作最後綵排，
然後自己搵地方打發果個幾鐘...呢 D 畢業禮其實幾鬼悶... 始終畢業又唔係 Bryan，不過好彩今年都分咗個豬肉獎 -- 清潔獎
& 親子標語創作比賽季軍，
叫做有相影吓...
講開影相，封請柬明明寫住嚴禁攝影，
畢業禮前老師又再次呼籲，
可惜始終難敵一眾熱情家長
其實學校都一早料到，
最後只叫家長們讓 D 位比專業攝影師就算
我都唔執輸影番幾張



親子獎項由嫲嫲代表上台，好開心...

一大群小蜜蜂

好不容易捱過個畢業禮，
同 Bryan 影番幾張威水相...
生意失敗咁款...

好眼瞓好眼瞓....

點知佢話好眼瞓，
於是收工諗住同佢食 D 嘢就返屋企瞓...
當時的我仲未知道，原來病魔已經盯上 Bryan...

搭的士返家途中，
我仲同 Bryan 講，早瞓醒的話比你打一陣機，
以往佢一定話唔瞓住要打機啦，
呢次返到屋企即乖乖撻上床瞓，
淨係叫我晏 D 記得叫佢起身打機...


到夜晚見佢食飯冇乜食慾，
媽咪同佢一度原來發緊高燒，
吓，大佬，唔係啩，臨去旅行搵 D 咁嘢搞??!
我問 Bryan：想唔想去睇醫生呀?
Bryan：我要去睇醫生，因為我唔想去唔到旅行......


醫生看症後話係喉嚨發炎，
然後兩日後覆診（旅行出發前夕），
醫生再開咗 D 抗生素藥丸比 Bryan...
我哋叫佢開足九日藥... 所以藥費自然...


慶幸係 Bryan 由始至終都幾精神，
Bryan!! 奸巴爹!!