區新明《胡亂唱》

上網用半價bid 咗區新明呢隻新專輯，

仲有親筆簽名tim，

不過賣家將個名用黑筆塗咗好似仲怪...

買呢隻碟係因為佢翻唱番佢以前小島樂隊、凡風樂隊作品，

揀果幾首歌我都好鍾意 ~

不過問身邊朋友...竟然冇人識佢，

唔通我真係咁老??

講起區新明小島樂隊，諗起一件往事...

事緣十幾年前，

我喺玉皇朝做過一小段時間，

有次公司派公仔書，

我見到邱福龍喺專欄話徵求小島樂隊錄音帶，

報酬係親筆畫一幅。

我見到好似中咗獎咁

即刻委托同我相熟 & 佢又同邱福龍相熟彩稿手話我有呢盒錄音帶...

邱福龍問我想佢畫乜，我諗都冇諗就答佢要龍神...

過咗半日，

個彩稿手帶我去領獎，

只見邱福龍喺張畫紙正背面都畫咗好英龍神，

佢問我要邊幅?

我揀中後佢即席上色，

期間佢有電話入，於是一手講電話同朋友傾馬經，

一手就上色...

冇一陣，一幅靚到爆龍神親筆畫就到我手....

唔講都唔信，咁靚畫只上色只係用咗幾分鐘