7月3日，都係晴。
呢個星期幾乎日日好天，相當難得。
今日係 Hoyin 間幼稚園畢業典禮，
因為 Hoyin 意外地拎到個獎 -- 勤學獎，
所以都有得去呢個畢業禮。
畢業禮借到直系小學個禮堂搞，
而呢間小學正係我母校（我仲係 Hoyin 間幼稚園第一屆畢業生呢 ）
當然，年代久遠，小學都搬過兩次 lu...
而家設施同我當年比亦都差天共地啦...
由於唔知 Hoyin 仲有冇機會攞獎威威，
所以同佢影輯相留念 XD
呢個小朋友叫子軒， Hoyin 時時提起，
話佢係佢好朋友，
而家一齊得獎，寧舍開心
呢張要多謝子軒爹哋幫手燈~
希望下年有機會拍多一輯啦
沒有留言:
張貼留言