參觀屯門公眾騎術學校

 一周三次攝影義工第三擊 -- 參觀屯門公眾騎術學校





Bryan 去過好幾次，但係都表現興奮


K3 有三班，老師就將佢哋三班分成三組做唔同活動
其中一樣係電視教學....... 冇乜好影，循例影幾張就收工





我跟手就去咗影參觀馬廄

























呢度好似影咗唔少時間，
參觀馬房完畢，我想搵番 Bryan 果班所在....
原來排隊去廁所





之後輪到佢哋參觀馬廄





唔想影咁多重複..... 又竄咗出去睇吓有乜嘢影....
原來有得同侏儒馬合照，
前年K1 畢業，
Bryan 話同班有兩個同學唔認得，
我話有冇搞錯，讀成年都唔認得?
佢話係呀,  佢哋一個叫林曉X、一個叫林曉Z.......
今日終於親眼見到





原來 Bryan 已經同小馬合照咗，
我同唔到佢影，可惜呀
最後大合照一張留念.....
奇怪老師編排男還男、女還女咁樣影...




【完】

快樂小蜜蜂宣誓日

去完黑色世界翌日，
係身為小蜜蜂 Bryan 宣誓日子，
難得 Bryan 隔晚玩到咁夜、朝早要咁早起身都冇扭計 ~

宣誓儀式又例牌襄借咗友好小學禮堂舉行，
我哋早15分鐘入場，
所有好位已經比人佔據咗....
呢個時候，
主任見到我，話比個好位我....
條件係幫手影埋相
呢層當然冇問題啦，
呢回小蜜蜂宣誓變咗係我第二次義工攝影啦



K2 小蜜蜂.... 好Q~

























有個仔成日將褲頭抽高，比佢笑死

儀式過後，班主任問我嚟緊參觀騎術學校可唔可以幫手影吓相.......




【完】

 

 

 

 

 

 

 

 

 

 

 

 

 

三闖黑色世界

Bryan 學校運動會過後，
等佢放咗學又同佢去迪士尼....
Bryan 真係好鍾意去，樂此不疲....






















呢次 Bryan 竟然主動叫我幫佢同女魔鬼合照















玩完森林河流之旅行吓行吓，
見到放緊煙花, 拿拿聲影咗幾張相


















【完】

小兒科運動會

上周五，
某小學搞運動會，邀請咗附近好幾間幼稚園參與。
Bryan 果間榜上有名，
我以為呢次運動會要家長帶去運動場，
加上我又幾想影吓場 Bryan 場上英姿所以就請定假
點知運動會前夕至收到通知叫學生要準時回校，
老師會帶班學生入運動場...
反正請咗假，
當日我就照去幼稚園問問可唔可以一同進場參觀....
主任話 OK.... 條件係幫手做攝影義工...
舉手之勞二話不說就答應啦

運動會開始，
真係笑爆咀，
所有項目都冇競技成份，
同埋只有一次機會....
即係排隊射一次籃球就去拋一次豆袋咁咁...
似學習禮儀多D
不過比班小朋友活動吓筋骨都係好，
而我眼見班小朋友又好似樂在其中...






















人人有份，永不落空



















【完】

PHOTOBOOK 封面製作完成

砌咗幾晚搞足幾粒鐘封面終於完成

做完之後都好滿意，
期待完成品。