X'MAS 2010

今年聖誕，Hoyin 收咗唔少禮物，
其中有 D 仲係巴斯光年玩具，
Hoyin 梗係開心到痺啦。

呢個聖誕我都好高興，
同兩對新人影咗 pre-wedding，佢哋仲係好友善。
嚟緊呢幾日要努力執相......

推理小說

因為幾套推理懸疑日劇留意到日本一個如今灸手可熱天皇級作家  東野圭吾。
先從神探伽俐略開始睇起，
跟住就發覺欲罷不能...
而家午飯有餘暇就逛吓圖書館，
睇吓有冇佢作品借，
不過佢 D 書借出率實在太高，
同埋圖書館佢藏書我都差不多睇晒，
於是乎又留意埋其他推理作家作品，
松本清張唔在講，
據稱為國民作家宮部美幸作品都係 一級棒~~
正.... 有排睇

IFC 聖誕木偶夢幻城鎮

年年聖誕都會影吓商場聖誕佈置，
今年都唔例外。
今年去咗 IFC 逛逛，
商場用咗木偶做主題，
仲有個超大木偶聖誕老人，
真係幾靚...
去片~

見愈嚟愈多人就出發去第二處影，
目的地係朗豪坊，
資料搜集所得，係用 Hello-Kitty 做主題。
現場所見，真係好靚呀
不過仲墟冚過海運燈飾人潮，
影咗幅到此一遊相就打道回府





如果呢度清場比我影返一個鐘就爽咯


【完】

巡視業務@DDL 之 雪亮聖誕

上次入迪士尼攞獎品，
因為太多人同埋唔夠時間 — 連 Hoyin 最心愛巴斯光年遊戲都玩唔到，
今次揀星期四 Hoyin 放學後入園，
人眾真係少咗，
可以玩番 Hoyin 至愛遊戲，
同埋可以慢慢影吓相，
最後喺 Hoyin 強烈要求下，睇埋煙花至盡興而返~

  

 

 

 

 

 

 

 

 

 

 

 

 

 

【完】

灣仔‧新景園 - 好食但好貴

喺好多年之前睇某雜誌某食評家推介去咗新景園食 lunch，
嗜牛我都比佢咖喱豬扒吸引，
每個禮拜都起碼進貢一次
不過經過佢哋幾次加價漸漸發覺食唔起，
一碟飯價錢去間餐廳可以飲埋餐湯餐飲仲有找...
而家一個月只係去一兩次。
今日食晏可能兜口兜面遇到太多豬扒，
突然有想幫趁吓佢，
例牌嗌完咖喱豬扒飯 + 可樂後，
隨意一望，發覺個價錢牌又改咗，
而家食碟飯要 $55~~
對我嚟講太貴喇，
「咁等錢使唔好去搶??!」
我一邊暗暗咒罵，一邊將碟飯扒光

聖誕燈飾2010

星期四晚諗起呢個 sat 係媽咪短周，
於是提議禮拜五晚去影燈飾，夜少少返屋企都冇問題嘛...
同舊年一樣，先去新港中心大食代食個晚餐然後就行去海運開始影燈飾。
去到海運，個人覺得平平無奇唔多靚...
最慘係人山人海，
記得舊年嚟呢度都係比人潮嚇驚，
草草影咗幾張就打道回府....
今年留意 D 影相人眾，
發覺影景朋友多咗好多，
男男女女都棟支腳架認真拍景，
由此可見攝影真係普及化咗好多
不敵海運人潮，於是喺樓梯影幾張就去今日主要目的地1881

抱抱 Duffy‧共度雪亮聖誕

 


參加咗蘋果日報同迪士尼合辦 Happy Christmas Moments 相片大募集，
僥倖成為 50位幸運兒之一
得獎者可以帶同一位親友入場參加「親親 Duffy 夢幻聖誕派對」，
仲可以抱走 Duffy 毛公仔。
於是自掏腰包買張飛比 Hoyin，
一家人罕有星期日入園喇 


喺門口蘋果日報臨時counter 攞飛，
派咗 3 條專區手帶比我哋，
原來仲有兩套餐飲券／餐食券，
正~ 又慳番百幾







美國大街有好多類似佈置






第一站去同 Duffy 合照，排隊無聊，就叫 Hoyin 問哥哥姐姐帶手套披肩影相



懷疑員工想客人幫趁自家攝影師作品，永遠係 cut 梗少少手手腳腳


排咗十零分鐘，到我哋喇






薑餅人村莊一角









傻豬，唔會有人應門



唔同往年，有唔少佈景分佈園內比大家影相，
今年拍照位係集中喺薑餅人村莊，所以真係勁逼人，
要盡量避免影到途人真係要有耐性...
或者咁樣影都OK



呢次入園有個小插曲，話說上次萬聖節入園見扭波波哥哥扭個三眼仔好正，
於是呢次入園就叫 Hoyin 問 D 姐姐扭波波哥哥幾時同埋喺邊樹出現?
姐姐翻查一輪後答係 2:10pm & 3:30pm 會喺咖啡杯附近出現，
於是我哋就準時 2:10pm 等候扭波波哥哥出現，點知等咗十分鐘都未見人，
就問附近一個姐姐，姐姐又翻查一輪後答話應該係呢個時間，
say sorry 後叫我哋3點半再嚟，
我哋犧牲霸位睇巡遊依時再嚟，依然唔見人，
咁啱之前姐姐行過我就再問多佢一次，
佢查完一輪後同一個女經理同時出現我哋眼前，
女經理話唔好意思，原來扭波波哥哥今日休息
為表歉意，會送番份小禮物比 Hoyin，又可以安排我哋優先入座米奇金像劇，
我哋話要食嘢先唔睇金像劇喇，女經理就叫我哋九個字後嚟返呢度拎禮物...
我哋冇表示不滿都做到咁，十個讚
之後我哋返番嚟，女經理送咗年曆咭同一疊貼紙，
仲有兩個扭扭波









節目行程係安排 5:15pm 拎獎品然後 6:30pm 安排喺專區睇玩具巡禮，
諗住拎完獎品再周圍影吓相至返去睇巡禮都唔遲。
點知拎完獎品就被安排喺專區等候。
軟禁咗一個鐘後就係人群罅隙睇巡禮...
我諗係單位怕得獎者拎咗禮物閃人最後影唔到大合照啩
話分兩頭，安排全體大合照時都幾溫馨，
大會司儀叫我哋同最心愛人互望，
Hoyin 即刻望實佢媽咪
跟住又叫我哋將 Duffy 送比至愛，
Hoyin 猶疑一陣送比媽咪 （不過好快攞番）


獎品 Duffy 毛公仔，Hoyin 愛不釋手















*除咗 Duffy 毛公仔，仲有呢個獎品擺設....



【完】